DILI, STLNEWS.co – Deputadu sira iha Parlamentu Nasional (PN) preokupa ho koa osan veteranus US$ 30 kada fulan, tanba dehan ilegal.
Preokupasaun nee hatoo husi Xefi Bankada KHUNTO, Olinda Guterres katak, veteranus sira preokupa konaba koa osan US$ 30 kada fulan. Se osan neebe aloka ba ministeriu kombatentes veteranus nian sei iha, tenki transfere fali ba sira nain.
“Tanba hau rona sira dehan koa osan US$ 30 kada fulan nee ilegal, hau la hatene tanba saida, husu governu atu haree kestaun nee”, katak Xefi Bankada KHUNTO, Olinda Guterres ba jornalista sira, Tersa nee (01/08/2023) iha PN.
Entretantu Deputadu husi Bankada CNRT, Augusto ‘Deker’ hatete, konaba koa osan veteranus US$ 30 por mes dehan ilegal, maibe atu dehan osan koa nee laos ilegal, maibe liu husi prosesu naruk, halo fiskalizasaun kuaze tinan 1 haleu Timor laran, hotu-hotu konkorda mak foin koa.
Tuir Prezidente Parlamentu Nasional (PPN), Maria Fernanda Lay hatete, konaba veteranus hein membru governu mai, iha Orsamentu Retifikativu mai. Iha debate Ministru kompatente sei mai, husu sira sei hatan.
(gui)
