DILI,STLNEWS.co – Parlamentu Nasional (PN) preokupa kondisaun estrada iha munisipiu sira komplikdau tebes, tanba VIII Governu ladun iha atensaun atu hadia.
Preokupasaun ne’e hato’o husi Xefi Bankada CNRT, Duarte Nunes katak, konaba kondisaun estrada ne’e komplikadu lo’os, hanesan iha Tutuala, Lospalos, Ilomar, Vikeke no munisipiu seluk tan ne’ebe la mensiona, estrada ne’ebe mak a’at tebes. Bele imajina se ema ruma moras ho kondisaun komplikadu, bele la salva, tanba ema kondisaun normal mos viajen isin to’os no moras hotu.
“Hare’e ba kondisaun estrada komplikadu lo’os, tanba ne’e CNRT nia programa iha eleisaun atu hadia mos estrada, tanba povu fo konfiansa ba CNRT sei hadia” dehan nia.
katak Xefi Bankada CNRT, Duarte Nunes ba STL liu husi telefone iha Dili, Kinta nee (27/04/2023). Tuir nia, kondisaun estrada sira nee aat, tanba haree ba governasaun ida nee promete deit, maibe realidade la halo buat ida, estrada sira nee uluk CNRT iha governasaun anterior nee halo estrada, maibe haree ba governasaun ida nee estrada aat barak tebes.
(gui)
