DILI, STLNEWS.co – Reprezentante povu iha uma fukun Parlamentu Nasional (PN) sei servisu makaas liu tan produs lei, hodi regula kultura lia mate ho lia moris iha rai laran.
“Hanesan Timor oan, lia mate sai hanesan fundamentu ba ema hotu nia moris, maibe ita tenki fo espasu hodi dudu ita nia oan sira bele asesu ba edukasaun, tanba ho kultura lia mate no lia moris, susar atu dudu oan sira ba oin, tan nee presiza lei hodi minimiza tiha, laos halakon,” kestaun nee fo sai husi Deputadu Armando dos Santos Lopes husi Bankada PD ba STL iha Parlamentu Nasional, Kinta (13/07/2023).
Nia afirma, karik iha V Lejislatura mak koalia ona atu halo lei ruma hodi regula mak VI Lejislatura sei kontinua, no sei buka meus atu kria lei ruma hodi regula, kontiudu husi lei nee atu minimiza, laos halakon, tan nee bele halo lia, maibe tinan rua tolu mak foin halo, no nia estandarizasaun laos atu hakaas malu, too atu dudu oan sira ba eskola mos inan aman kbiit la too ona.
Tuir nia katak, halo minimizasaun ba kultura mak presiza duni lei ruma, tanba antes nee iha ona programa tara bandu, maibe too ikus kultura lao nafatin, tan nee presiza duni lei, tanba ema hotu moris iha lei nia okos.
(mad)
