DILI, STLNEWS.co – Parlamentu Nasional (PN) seidauk simu kandidatura Komisariu Komisaun Anti Korupsaun (KAK) foun husi IX Governu Konstituisional.
“Parlamentu seidauk simu kandidatura foun Komisariu KAK, tanba kandidatu ba Komisariu KAK nee mai husi proposta governu, entaun klaru husi governu seidauk haruka mai,” dehan Prezidente Parlamentu Nasional (PPN), Maria Fernanda Lay ba jornalista sira iha PN, Sesta (14/07/2023).
Nia tenik, ba pesoal la hatene, se sira atu separa PSIK ho KAK tenki iha alterasaun, mais ida nee iha vontade governu, tanba inisiativa nee tenki mai husi governu, konaba proposta nee lei mak hatete nunee.
“Hau hanoin servisu KAK nian lao nafatin, laos tanba Prezidente KAK laiha servisu la lao, maibe servisu KAK nian agora halao hela, sira mos interven hela atividade sira, inklui sira mos haree hela ba iha Sesta Bazika,” hatutan nia.
(dom)
