DILI, STLNEWS.co – Governu liu husi Ministeriu Turizmu Komersiu Industria (MTKI) planu tinan nee, Inspeksaun Jeral Jogu sei moderniza jogu lotaria iha Timor Leste ba sistema dijital, nunee fasil ba autoridade hodi kontrola.
Tuir Inspetur Jeral Jogu, Doningos Guterres katak, daudaun nee Grand Drogan Lotaria, lotaria ida neebe governu desidi atu loke ninia atividade iha TL, tanba nia mai ho sistema modernu no nia bele tranzmite jogu refere ba ona iha objetivu governu nian, atu atinji ida nee, sai mos modelu ida ba futuru jogu lotariu hotu neebe eziste ho sistema manual, tenki lao ho sistema modernu.
“Tinan ida nee jogu lotaria neebe eziste sei hatama hotu ba sistema dijital, agora daudaun ami prepara ona kompanhia sira atu lori sira sai hanesan grand dragon ho modelu ida neebe governu konsidera bele halo operasaun,” informa Domingos ba STL Sesta (29/07/2022) iha nia knaar fatin Bebora.
Tuir nia katak, too agora governu foin iha konhesimentu ba iha lotaria hamutuk 6, kompostu husi lotaria versaun nasional 3, Rudal, Timor Pool no Kiik, enkuantu versaun Singapura ho Kambodia mak husi grand lotaria amizade Lda no Bedford.
(mad)
