PPN Akonpanha Ekipa Tekniku Aruma Sasan

DILI, STLNEWS.co – Prezidente Parlamentu Nasional (PPN) Aniceto Guterres akonpanha ekipa teknikus sira aruma sasan husi Deputadus V Lejislatura nian iha Parlamentu Nasional (PN), nunee hodi prepara atu simu fali Deputadus VI Lejislatura foun.

Tuir observasaun jornalista STL iha uma fukun Parlamentu Nasional (PN), iha loron Tersa (20/06/2023) katak, relasiona ho mandatu V Lejislatura iha PN neebe remata ona, depois sei simu fila fali deputadu ba mandatu VI Lejislatura, hodi halao primeriu reuniaun iha uma fukun Paralementu Nasional (PN) hahu dia 22 fulan Junhu.

Nunee mos iha observasaun nee STL nota katak, ekipa tekniku sira haloot sasan no lalin sai husi sala plenraia, akonpanha mos husi Prezidente Parlamentu Nasional (PPN) Aniceto Guterres, nomos deputadu sira balun inklui parte seguransa iha uma fukun parlamentu nian.

Entretantu, bainhira tekniku sira aruma sasan V Lejislatura nian, PPN Aniceto guterres informa ba sira katak, nia parte fo prazu, tanba nee ba ekipa tekniku sira ohin loron nee sasan sira iha mandatu V Lejislatura nian tenki aruma hotu ona.

Enkuantu iha sala plenaria parte tekniku hamutuk ho funsionariu sira aruma sasan mak hanesan lalin sai dukumentu iha sala plenaria, cek gaveta iha kada deputadu sira nian tur fatin hodi halo mos, nunee mos muda lay out iha sala plenraia nian.

(dom)

LEAVE A REPLY

Please enter your comment!
Please enter your name here