PPN Husu Deputadu Fiskaliza Ho Rigor OJE 2024

DILI, STLNEWS.co – Prezidente Parlamentu Nasional (PPN) Maria Fernada Lay husu deputadu sira atu fiskaliza ho rigor ba Orsamentu Jeral Estadu (OJE) 2024 neebe preve ona.

Prezidente Parlamentu Nasional (PPN), Maria Fernada Lay dehan, husu ba PM interiu no IX Governu Konstituisional tomak, bankada opozisaun dezafia ita boot sira, hodi nunee ezekuta OJE ho didiak.

“Hau apela mos ba PN liu-liu komisaun espesializadas permanete sira atu fiskaliza ho rigor no utiliza fardamente fiskalizasaun neebe preve ona iha rejimentu Parlamentu Nasional (PN),” anunsia PPN, Maria Fernanda Lay iha debate OJE 2024 final global iha PN, Kuarta (20/12/2023).

Iha fatin hanesan, Visi Primeiru Ministru, Mariano Assanami Sabino hatete, iha OJE 2024 durante loron hirak nee nia laran hatudu katak, iha vontade no preokupasaun atu lori Timor ba oin, ba futuru ida diak liu.

Entaun Primeiru Ministru, Kayrala Xanana Gusmão halao hela misaun, tanba iha preokupasaun boot hanesan mos atu dezenvolve rai TL.

“PM fo fiar hela mai hau atu reprezenta ho apoiu tomak husi Ministru Agio ( PCM ) no kolegas membrus governu tomak, ami rezista preokupasaun no sugestaun hotu neebe mak deputadu sira aprezenta. OJE 2024 kobre ba sektores importante sira hotu neebe mak sai nudar preokupasaun ita hotu nian. Nunee liu husi OJE mak ita reafirma ukun rasik aan, no hodi garante no hadia kondisaun moris povu nian. Nunee, iha tempu fiskalizasaun, deputadu sira bele haree nia impaktu no rezultadu iha terenu,” dehan nia.

(Ekipa STL)

LEAVE A REPLY

Please enter your comment!
Please enter your name here