DILI, STLNEWS.co – Prezidente Parlamentu Nasional (PPN) afirma, iha primeiru mandatu laiha resesu ba deputadu sira, tanba iha servisu barak presiza atu halao.
Prezidente Parlamentu Nasional (PPN) Maria Fernanda Lay dehan, ami laiha resesu iha inisiu mandatu, tanba ita haree servisu mai barak, maibe ami husu suspensaun ida nee mak tenki dois tersus, deputadu sira levanta problema, mais hau dehan ita prepara sumbrinha antes atu udan, ou udan mai mak ita bokon hotu, hau hanoin nee prepara ida, ita tenki prepara mos ho ema nia nesesidade saude nian,” dehan nia ba jornalista sira iha PN, Sesta (07/07/2023).
Nia dehan, ezemplu hanesan iha V Lejislatura deputadu sira kuaze laiha tempu atu halo tratamentu saude, entaun deputadu sira presiza ferias oan ida, mais uluk nee aproveita iha resesu hodi deputadu balun ba konsulta ka ba vizita sira nia familia.
Nia afirma, deputadu sira tenki iha tempu oituan ba halo tratamentu nesesarius, para deputadu sira prontu bele enfrenta programa governu iha sesaun lejislativa ida nee, neebe nia atividades barak tebes.
“Hau hanoin hanesan ema umanu ami mos kolen, bele ezije bele trata, maibe ami mos ema umanu presiza trata ami nia saude,” tenik nia.
Nia sublina, ba pesoal sinseramente depois sai deputada pesoalmente ferias laiha, mais bainhira iha estudu komparativus ba rai liur loron 10 ka 6, foin mak aproveita ba tomak konta saude.
“Hau hanoin ita labele nunee, ita ema moris tenki iha programa ba ita nia aan rasik, aliende ita halo servisu, tanba ema servisu tinan 1 presizza ferias, laos ita maratona ita atu ba neebe, apalagi idade ona, tanba nee hau ezije tebes disiplina,” hakotu nia.
(dom)
