DILI, STLNEWS.co – Prezidensia Republika (PR) apoiu foos nutritivu ba orfonatu sira iha Rejiaun Administratuvu Espesial Oekusi Ambeno (RAEOA).
Liu husi komunikadu neebe mak STL asesu husi media Prezidente Tersa nee (29/08/2023) hatete, Prezidensia Republika apoiu foos nutritivu hamutuk saka 300 ba kongregasaun 4 no parokia 1 iha Oekusi. Kongregasaun sira nee maka hanesan Irmã Judith Postu Oesilo, Kongregasaun Madre Dominicana do Rosario, Topo Honis Mahata, Kongregasaun Franciscana Padiae no Parokia Padiae.
Iha biban nee, Asesor Tekniku no Sekretariu Ezekutivu Kaza Sivil, Agostinho Caet, hateten, fos hirak nee hanesan ajudu husi grupu emprezariu nasaun Malazia neebe apoiu programa Xefi Estadu Ramos-Horta hodi kombate mal nutrisaun ba labarik sira iha Timor Leste. Foos husi emprezariu sira nee hamutuk saka 2500.
Agostinho hatutan, espera ho apoiu neebe Prezidensia Republika hatutan ba orfanatu sira iha Oekusi, melhora diak liu tan labarik sira nia saude husi mal nutrisaun no hasae sira-nia todan.
Iha biban nee, Madre Marai Fatima Sequeira hanesan mos responsavel ba kongregasaun Dominicana do Rosário Oekusi hatete, haksolok tebes tanba hetan ajuda husi Prezidente Republika neebe apoiu ona fos nutritivu oinsa bele hasae nutrisaun no hamenus mal nutrisaun.
“Hodi labarik sira no komunidade kongregasaun ida nee nia naran liuliu iha Esternatu Oecusse ami haksolok tebes tanba Prezidente Republika José Ramos-Horta bele ajuda ami liu husi kbiit neebe nia iha, tanba nee ami agradese tebes ba senhor Prezidente Republika Jose Ramos-Horta,” Katak Madre.
(eme)
