DILI, STLNEWS.co – Prezidensial Republika (PR) asina memorandum of understanding (MoU) ho ajensia Mary Mackillop, hodi hasae numeru leitores sira iha publiku.
Kestaun nee hatoo husi Xefi Kaza Sivil, Bendito do Santos Freitas liu husi nia diskursu iha palasiu Prezidensial Bairu Pite, Kinta nee (13/04/2023).
“Prezidensial Republika nudar orgaun estadu numeru um iha nia politika abrasa ka hakoak prinsipiu neebe importante parseria estratejika atu dezenvolve didiak ita nia rai, ita nia Estadu, liu-liu konaba dezenvolvimentu rekursu umanu,” dehan nia.
Xefi Kaza Sivil nee hatete, iha esperiensia liu ona Prezidensia Republika selebra ona akordu ho Care Internasional konaba jornal lafaek, depois tuir mai ho Plan Internasional no ohin ho Mary Mackillop.
“Ami senti haksolok no kontenti, tanba ita hotu hamutuk ita nia forsa, ita nia inisiativa hotu neebe diak atu kuda pratika de leitura neebe importante tebes, ita iha mundu globalizadu, mundu ida modernu tebes, leitora nee mak oksigen moris nia ba konhesimentu global nee importante tebes, portantu pratika lee nee importante,” katak nia.
Tuir Xefi Kaza Sivil nia observasaun ladun favoravel iha sosiedade komunidade akademika iha Timor, dala ruma liu husi universidade oin joven universitariu sira tuur konversa laiha ema ida kaer jornal lee.
Nia hatutan, agradese parseria nee diak, objetivu kapaas tebes, nobel nee para promove leitora ba komunidade sira hodi adapta ba ida nee, liu-liu forma profesores sira integra tama iha prosesu inisiativa neebe orienta ba leitura.
Nunee mos Diretor Nasional Mary Mackillop Alipio Baltazar hatutan, orgulhu boot tanba ohin bele mai too iha palasiu hodi bele asina nota entendimentu neebe mak sei halo ho Palasiu Prezidensial, agradese ba Xefi Kaza Sivil ho nia protindaun bele formaliza nota entendimentu iha dader Kmanek ida nee.
“Nota entendimentu neebe mak ita sei halo formaliza ohin dader ida nee, mak oinsa atu haforsa ita nian koperasaun ka parseria ho Gabinete Prezidensial neebe mak hahu ona iha 2022 fulan Novembru. Hahu husi feira iha Atauro. Programa neebe mak ita apoia nee ba atividade inisiativa husi Palasiu Prezidensial nia kona-ba kampania edukasaun hatoman-an lee,” katak nia.
Nia dehan, Atividade ida nee relevante tebetebes ba merima kilat nia area iha area negosiu no area edukasaun ninian. Hanesan ema hatene katak merina kilat nia projetu prioridade liu mak edukasaun liuliu kona-ba pre-eskolar nomoss Ensinu Baziku, neebe mak durante nee apoiu Ministeriu edukasaun liu husi nota entendimentu hahu iha 2019 too agora.
(eme)
