PR Ba Alemanha Ho Aviaun A320 Airbus

DILI, STLNEWS.co – Ohin Prezidente Republika (PR) Jose Ramos Horta halao viajen ba Alemanha ho aviaun A320 Airbus, sai husi Aeroportu Nicolao Lobato Komoro, iha oras tuku 9:25 dader.

Tuir observasaun STL katak, ohin Sabado 24 de Junhu 2023 PR too iha Aeroportu Nicolau Lobato Komoro, iha tuku 9 dader, depois parada militar.

PR molok hakat sae ba eskada aviaun akompanha husi membru Governu MEKAE Joaquim Amaral, Xefi Caza Sivil PR, Bendito Freitas, nomos Sekretariu Jeral Partidu CNRT, Calbuadi Lay, iha oras tuku 9:12 ho aviaun marka A 320 Airbus, no aranka sai husi Aeroportu Nicolau Lobato Komoro iha oras tuku 9:25 dader ba Alemanha.

Tuir informasaun neebe STL asesu katak, PR sei fila hikas husi Alemanha iha Segunda semana oin, dia 26 fulan Junhu.

Entretantu, antes nee mos Parlamentu Nasional (PN) autoriza ona Prezidente Republika Jose Ramos Horta atu halao vizita estadu ba Republika Fransa no Republika Alemanha ho votu A favor 40, Kontra no Abstensaun 0, ho ida nee Prezidente Republika hetan ona asentimentu atu ba vizita trabalhu ba nasaun rua nee, maibe PR nia viajen ba Fransa kansela, ohin ba iha Alemanha deit.

(dom)

LEAVE A REPLY

Please enter your comment!
Please enter your name here