DILI, STLNEWS.co – Prezidente Republika (PR) Jose Ramos Horta fo pose ba membru foun Konselhu Estadu (KE) no Konselhu Superior Defeza no Seguransa (KSDS).
Prezidente Republika Jose Ramos Horta fo pose ba membru foun KE no KSDS iha Palasiu Prezidente Republika, Bairo Pite, Segunda (11/09/2023).
Konselhu Estadu hanesan orgaun konsultivu Prezidente Republika ba asuntu polítiku, bazeia ba Konstituisaun RDTL artigu 90 no 91. No KSDS hanesan orgaun konsultivu Prezidente Republika nian ba asuntu defeza, seguransa no soberania, bazeia ba konstituisaun RDTL artigu 148.
Membru foun Konselhu Estadu nian hamutuk 14 mak hanesan Prezidente Parlamentu Nasional, Maria Fernanda Lay, Primeiru-Ministru Kay Rala Xanana Gusmão, Ex Prezidente Republika Major-Jeneral Taur Matan Ruak, Ex Prezidente Republika Francisco Guterres Lú Olo. Membru nain 5 nomeadu husi Prezidente Republika mak Abilio da Conceição de Araujo, Maria Domingas Fernandes Alves “Mikato”, Tenente-Jeneral Tito da Costa Cristovão “Lere Anan Timur”, Madre Guilhermina Marçal no Milena Pires.
Membru nain 5 seluk nomeadu husi Parlamentu Nasional mak Virgilio Smith Cranek, Jacinto Viegas Vicente Roke, Numinando S. Martins (Buras), Ricardo da Costa Ribeiro no Josefa Alves Pereira Soares. Membru foun ba Konselhu Superior Defeza no Seguransa hamutuk 13 mak hanesan Primeiru Ministru Kay Rala Xanana Gusmão, Ministru Negosius Estranjeirus no Kooperasaun Bendito dos Santos Freitas, Ministru Defeza Contra Almirante Donaciano do Rosário Gomes.
Ministru Interior Francisco da Costa Guterres, Ministru Justisa Amândio de Sá Benevides, Reprezentante Parlamentu Nasional Deputada Maria Terezinha da Silva Viegas, Deputadu David Mandati Dias Ximenes no Deputadu Duarte Nunes, Xefe Estado Maior Generál das F-FDTL, Tenente-General Falur Rate Laek, Komandante Jerál PNTL, Komisariu Jeral Henrique da Costa, Diretor Jeral Servisu Nasional Intelijensia, Longuinhos Monteiro, Júlio Tomas Pinto no Nuno Manuel Corvelo de Andrade Sarmento (Nomeadu husi Prezidente Republika).
Reuniaun Konsellu Estadu no Konselhu Superior Defeza no Seguransa sei prezide husi Prezidente Republika. Hafoin fo pose ba membru foun sira, Prezidente Republika kontinua kedas ho lidera reuniaun ba dahuluk hamutuk ho membru konselhu rua hodi koalia konaba funsaun membru sira nian bazeia ba lei no rejimentu.
Membru Konselhu Estadu hamutuk 14 no Konselhu Superior Defeza no Seguransa hamutuk 13 sei halao sira nia mandatu durante tinan 5.
(eme)
