DILI, STLNEWS.co – Prezidente Republika (PR) José Ramos Horta humutuk ho delegasaun fila hikas mai Timor Leste (TL), hafoin vizita ba Jenebra, Suisa, hodi koalia asuntu estadu.
Tuir Prezidente Republika José Ramos Horta katak, vizita nee vizita privadu, i laos konvite husi Governu Suisa, i laos ba kapital Suisa Perna ka Kapital Federal Suisa nian, maibe konvite mai husi grupu monarkia ativu i sira balu Europa, Italia, Gresia, Espanha, no seluk iha asosiasaun ida mak konvida hodi halo omenajen, fo kondekorasaun, diploma, maibe vizita nee halo iha sede Organizasaun Mundial Komersiu, Organizasaun Mundial Saude (OMS), iha neeba PR mos aproveita enkontru ho Diretora Jeral Organizasaun Mundial Komersiu, hodi haree Timor nia adezaun ba ASEAN nomos ba Organizasaun Mundial Komersiu (OMK).
“Adere ba OMK iha prosesu TL besik remata ona, kondisaun hotu halibur ona i hein deit Timor atu adere iha Fevereiru, prosesu kumpri ona, maski saidauk atinji 100 %, maibe prosesu lao dadaun”, katak PR José Ramos Horta iha konferensia imprensa, iha Aeroportu Internasional Nicolao Lobato Dili, Sesta (06/10/2023) bainhira fila husi Jenebra Suisa.
Laos nee deit, maibe mos OMS hanesan vizita kortejia apoia moral, politika ba OMS, agardese ba sira nia tulun TL, durante tinan hirak nia laran.
Xefi Estadu nee informa asuntu importante liu koalia ho Diretor Jeral Mundial Saude, konaba kombate malária, tanba komesa ona atu deklara elimindu iha tempu badak, maibe problema boot liu iha Timor laos ona malária, maibe dengue difisil atu elimina.
Maski rai boot hanesan Singapura sei iha Dengue, maibe tempu badak mos organizasaun saude sei deklara vasina rua kontra dengue, neebe presiza haree sosa kedas vasina nee hodi salva vida kosok oan sira, joven sira, tanba kada tinan tempu udan hospital nakonu ho dengue.
Nunee konaba enkontru mos ho Prezidente Forum Ekonomiku Mundial, sira mos konvida PR, tanba Janeiru tinan oin sei partisipa ho preparasaun diak, nunee iha sesaun espesial dedikadu ba Timor-Leste, primeiru hatudu ba mundu Timor nia susesu demokratiku, politiku, maibe mos halo aprezentasaun ba partisipantes sira ba pontensial investimentu iha Timor.
Nia dehan, Organizasaun Mundial Komersiu laos ONU nian, maibe sai importante kada tinan Prezidente Republika no Primeiru Ministru oin-oin, sira ba sai hanesan forum inter statal nomos emprezariu lubuk sei partisipa.
(gui)
