PR Ho Plan Internasional Asina MoU, Promove Nutrisaun Ba Feto & Labarik

DILI, STLNEWS.co – Prezidensial Republika (PR) liu husi Xefi Kaza Sivil asina Memorandum of Understanding (MoU) ho Plan Internasional, hodi promove nutrisaun ba feto no labarik iha Timor Leste.

Iha biban nee, Xefi Kaza Sivil Bendito dos Santos Freitas liu husi diskursu iha Palasiu Prezidente Bairu Pite, Tersa nee (14/03/2023) hatete, ho prezerva boot ida mak ohin halo lansamentu ba akordu memoradu intendimentu entre Prezidensial Republika ho Plan Internasional hahu kolabora servisu hamutuk ba komponente importante, neebe promove nutrisaun vida saudavel apoiu ba familia ba feto sira, atu bele hakat ba dezenvolvimentu ekilĂ­briu no sustrlentavel.

“Programa ida nee sai hanesan mandatu prinsipal husi Prezidente Republika Jose Ramos Horta nian, neebe halao investidora iha 20 Maiu neebe hatuur ona fundamentu programa imperativus ba prezidensia nia durante mandatu 5 anos,” dehan nia.

Nia hatete, programa nutrisaun kompanhamentu ba kiik oan sira, liu-liu ba feto no familia neebe inisiativa nobre husi Plan Internasional, nomos ajensia husi internasional sira seluk.

Nia mos lori prezidente nia naran hatoo obrigadu ba Plan Internasional, espera katak kooperasaun ida neebe hahu ohin bele apoiu programa servisu hamutuk diak ba oin.

“Ho ita nia kooperasaun MOU ba tinan 2 fo sintidu makaas ba ita hotu atu bele lori mudansa neebe transuivel, ita bele senti isperimenta ho ita nia sosiedade ho ita nia oan sira, liu-liu kiik oan sira feto sira importante,” katak nia.

Nunee mos Country Directora Interina Plan Internasional Timor Leste, Fatima Soares hatoo agradese ba parte hotu neebe ohin hamutuk asina MoU iha dader nee.

“Ondra boot ida ba Plan Internasional, mai iha nee ohin loron bele asina MoU entre Prezidensia Republika ho Plan Internasional konaba ita nia parseria kompresivu ho komitmentu estratejiku iha periodu tinan 2 hahu 2023 too 2025, orsamentu husi kanpanha nee mai husi Governu Australia,” katak nia.

Nunee mos Koordendor ba Programa Unidade Nutrisaun no Seguransa Alimentar Prezidensial Republika, Joel Pereira hatoo agradese ba partisipante hotu neebe ohin hamutuk hodi asiste nota intendimentu entre Plasiu Prezidensial ho Plan Internasional.

“Prosesu neebe mak ita halao iha dadersan ida nee katak, mai husi diskusaun fulan hira nia laran atu refleta ba iha vizaun sua Exelensia PR nian, oinsa tau liman hamutuk ho instituisaun hotu, instituisaun governu oinsa hamutuk kaer liman nunee redus numeru malnutrisaun neebe seriu iha ita nia rai TL,” katak nia.

(eme)

LEAVE A REPLY

Please enter your comment!
Please enter your name here