PR Horta Bolu MD Aprosima Kooperasaun Defeza TL

DILI, STLNEWS.co – Prezidente Republika (PR) Jose Ramos Horta bolu Ministru Defeza (MD) hodi koalia konaba kooperasaun defeza Timor Leste ho Australia no nasaun seluk.

Bainhira remata hasoru malu, Ministru Defeza Pedro Klamar Fuik ba jornalista sira iha Palasiu Prezidente Bairo Pite Kuarta lokraik (20/12/2023) hatete, nia halo enkontru tanba PR Horta mak bolu hodi koalia konaba kooperasaun kuadru defeza TL ho nasaun sira seluk.

“Prezidente Republika bolu Ministru Defeza atu koalia konaba ambitu kooperasaun neebe iha kuadru defeza ho Austrália, Índia neebe agora aproxima ho rai selu-seluk, atu bele haree iha dezenvolvimentu ita nia defeza nee saida mak ita bele halo diak liu tan ho rai neebe ita iha kooperasaun,” katak Ministru nee.

Prezidente Republika Jose Ramos Horta sujere atu haree nivel kooperasaun ho vizinhu sira, atu bele hametin kooperasaun neebe Timor Leste iha ho Australia no Indonezia.

Hanesan vizinhu emidiatu presiza kultiva no halo diak, atu nasaun vizinhu sira bele iha relasionamentu ida neebe sustentavel no diak.

(eme)

LEAVE A REPLY

Please enter your comment!
Please enter your name here