DILI, STLNEWS.co – Prezidente Empreza Bulale Ainashe Lda, Yousef A. Al Bader hatete, bele hela iha Timor Leste hodi halao projetu ba dezenvolvimentu TL nian.
Lia hirak nee nia hatoo bainhira remata halo enkontru ho Prezidente Republika Jose Ramos Horta iha Palasiu Prezidente Bairo Pite, Sesta (11/08/2022).
Nia hatete, haksolok hodi hasoru malu ho Prezidente Republika koalia konaba projetu Dezenvolvimentu.
“Ami koalia konaba projetu dezenvolvimentu balun. Hanesan Ospital Forsa Aerea, Uma, Refinaria no industria tomak. Nunee mos ami hein too tinan nee nia rohan. Ami prontu, iha imi-nia rai no ami-nia fatin atu hahu konstrusaun no hahu pajina projetu dezenvolvimentu boot sira lao hela,” hatete Prezidente Empreza.
Iha biban nee nia hatete, projetu neebe sira halo iha Timor Leste hein deit tinan nee remata mak sei halao, no fatin ba empreza nee agora halo ona iha Timor Leste.
Nia hatutan, sira kontenti tanba bele hela iha Timor Leste hodi halao projetu ba dezenvolvimentu liga ho buat neebe hatoo ona ba prezidente.
“No ami kontenti tebes atu hela iha nee, ami simu kortezia. Ami simu entuziasmu no apoiu, no ami agradese tebes. Tan nee Obrigadu,” katak nia.
Iha enkontru nee Prezidente Republika mos haksolok hodi halo enkotru ho empreza Bulale Ainashe Lda, oinsa bele halo dezenvolvimentu iha Timor Leste.
(eme)
