PR Horta Esforsu Atu TL Sai Membru WTO

DILI, STLNEWS.co – Prezidente Republika (PR) esforsu makaas oinsa Timor Leste (TL) bele sai Membru Organizasaun Mundial Komersiu (WTO – sigla ingles), hanesan Prioridade Nasional ida ba TL.

Iha loron Kuarta (04/2023), Prezidente Republika, José Ramos-Horta halao sorumutu ho Diretor Jeral WTO, Ngozi Okonjo-Iweala, iha Jenebra.

Enkontru nee foka ba esforsu Timor-Leste nian atu tama WTO no ASEAN, neebe Prezidente Ramos-Horta deskreve hanesan prioridade nasional absoluta no asuntu konsensu nasional.

Prezidente Ramos Horta espresa nia gratidaun ba Diretor Jeral no nia ekipa, ba sira-nia apoiu la para no pasiensia hodi tratata kompleksidade adezaun Timor-Leste nian iha organizasaun ida nee.

Nia rekonhese katak, instituisaun hanesan WTO presiza ema espesial tebes no agradese Okonjo-Iweala ba nia amizade.

Iha biban nee, Diretor Jeral Okonjo Iweala elojia katak, Timor-Leste nia maneira ida ho prosesu adezaun, no rekonhese dezafiu sira iha implementasaun ba reforma sira neebe presiza no aprovasaun lejislatifa. Nia elojia governu antes no atual, tanba sira halo ho lalais no efisiente tebes iha preparasaun ba adezaun ASEAN.

Okonjo-Iweala mos agradese ba nia ekipa ba sira-nia servisu ho Governu Timor-Leste. Nia nota katak sei iha dalan balun atu tama, inklui aprovasaun lejislativa. Maske nunee, nia espresa konfiansa ba kapasidade Prezidente Ramos-Horta atu aselera prosesu sira nee.

Diretor Jeral hakotu ho espresa nia esperansa ba selebrasaun iha Abu Dhabi no hein atu halo servisu hafoin adezaun.

(eme)

LEAVE A REPLY

Please enter your comment!
Please enter your name here