PR Horta Ho Delegasaun Too Ona Iha India

DILI, STLNEWS.co – Prezidente Republika (PR) Jose Ramos Horta ho delegasaun too ona iha India, hodi partisipa Simeira Vibrant Gujarat ba dala 10 2024.

Iha loron Tersa (09/01/2024), Prezidente Republika Jose Ramos-Horta ho delegasaun neebe akompanha husi Ministru Negosiu Estranjeiru no Kooperasaun, Bendito dos Santos Freitas, too ona iha Índia, iha tuku 10:30 oras Índia nian. Hafoin Xefi Estadu ho delegasaun ba iha Hotel “the Leela Ghandinagar State”.

Tuir Agenda ba loron dahuluk nian Xefe Estadu sei halao sorumutu bilateral ho Primeiru-Ministru Índia nian Sri Narendra Modi, hodi diskute relasaun diplomatika entre Nasaun Rua nee nian neebe estabelese ona iha loron 24 fulan Janeiru tinan 2003.

Sorumutu Global Vibrant Gujarat, neebe halao iha Índia nee konseptualiza iha tinan 2003 iha lideransa vizionariu husi shri Narendra Modi, Primeiru-Ministru Índia, evolve ona iha nivel global ba rede emprezarial, fahe kohesimentu no parseria estratejika sira ba kresimentu inkluzivu no dezenvolvimentu sustentavel.

Durante loron rua nia laran, Prezidente J. Ramos-Horta sei koalia iha abertura Simeira nee hodi koalia kona-ba oportunidade negosiu sira iha Timor-Leste no promove relasaun bilateral entre Timor-Leste no Índia.

(eme)

LEAVE A REPLY

Please enter your comment!
Please enter your name here