PR Horta: Sesta Bazika La Fo Benefisiu Ba Povu

DILI, STLNEWS.co – Prezidente Republika (PR) Jose Ramos Horta hatete, programa sesta bazika laiha benefisiu ba povu, tanba kompanhia neebe tun distribui sasan la tuir orsamentu neebe governu propoin kada ema.

Prezidente Republika Jose Ramos Horta hatoo Kestaun nee liu husi nia diskursu, bainhira partisipa halo lansamentu livru iha Salaun UNITAL, Kinta (13/04/2023).

Nia hatete, governu gasta osan lubuk ida ho planu oin-oin, no PR mos kestiona programa sira nee diak ba povu ka lae, hanesan sesta bazika neebe benefisia deit ba kompanhia neebe distribui sesta baziku nee.

“Sesta bazika benefisiu ba sira neebe presiza fo vantajen boot ba komersiante sira neebe hola parte iha programa, tanba hau haree ho hau nia matan, iha fatin barak sasan neebe sira tau nee la koresponde ba osan neebe governu hatete ba kada elementu uma kain i programa seluk tan impaktu hatun progresa,” katak nia.

PR hatete, eleisaun liu tiha se mak kaer governu, prezidente sei eziji ida nee para harii kampu universitariu residensia universitariu ba joven sira bele hela iha rezistensia nee iha mos desportu, sentru saude iha han fatin saude hijine, buat hotu kompletu para ajuda kondisaun estudante hodi estuda.

Universidade sira tenki hanoin didiak konaba universidade ba Timor sira nee, tanba Universidade barak demais.

(eme)

LEAVE A REPLY

Please enter your comment!
Please enter your name here