PR Horta Simu Karta Kredensial Husi Embaixador India

DILI, STLNEWS.co – Prezidente Republika (PR) Jose Ramos Horta simu karta kredensial husi Embaixador Estraordináriu no Plenopotensial India ba Jakarta, Sandeep Chakravorty, iha Palasiu Prezidensial.

Bainhira remata simu karta kredensial, Ministru Negosiu Estranjeiru, Bendito Freitas ba jornalista sira iha Palasiu Prezidensial Bairo Pite, Kuarta nee (20/12/2023) hatete, ohin Prezidente Republika simu karta kredensial husi Embaixador Estraordináriu no Plenopotensial India ba Jakarta, Sandeep Chakravorty.

“Ohin Prezidente Republika simu kredensial husi Embaixador in akreditadu mai Timor Leste, neebe simu ona kredensial no enkontru ho Prezidente Republika espresa tebes artikulasaun importansia kooperasaun bilateral entre Timor Leste ho India, no asuntu neebe prioridade tebes mak India nia intensaun no dezeju atu funsiona embaixada India iha Timor Leste,” katak Ministru nee.

Nia dehan, Timor Leste mos iha planu atu harii ona Embaixada Timor Leste nia iha India, atu nunee artikula nomos kanaliza kooperasaun iha nivel apropriadu.

“India pais super potensia tebes intermus ekonomika nudar mos nasaun ida populasaun barak, sira nia dezenvolvimentu iha area oin oin, liu-liu iha siensia teknolojia, agrikultura medisina no formasaun. Embaixador foin daudaun dehan, konvida ita nia prezidente atu vizita estadu no ofisial ba India, atu nunee asegura liu tan ho ita nia relasaun ho India,” katak ministru.

India mos sei apoiu makaas Timor Leste iha area kontrola kosteira maritima iha Tasi nia neebe posivel sei fo apoiu bainhira Prezidente Republika halo vizita Estadu ba India.

“Ohin Embaixador mai aprezenta kredensial iha Timor Leste nia hanesan ona Embaixada reprezenta ofisial Estadu India nia mai Timor Leste saida mak ita kolabora ho sira mak ita tenke buka fatin, ita nia Estadu no Governu tenke buka fatin ba India atu harii sira nia embaixada nunee mos Ita sei ita nia embaixada iha India neeba, nee importante tebes atu hahu iha 2024 nee,” katak Nia.

Alende oinsa Ekipa konjunta Timor Leste ho Indonezia atu rejolve problema terres Tre iha Raeoa nee final ona kalae? Hatan ba kestaun Ministru dehan, Situasaun serbisu ida iha gabinete iha Fronteira maritima neebe direitamente husi Primeiru Ministru Kay Rala Xanana Gusmao.

Ekipa ida neebe halao servisu prontu espera katak, iha janeiru nee bele iha mudansa signifikativu ba akordu neebe bele determina ho Timor Leste ba oin.

Nunee mos bainhira entrega karta Embaixador Estraordináriu no Plenopotensial India ba Jakarta. Sandeep Chakravorty aprezenta kredensial ba PR Horta nia mos aprezenta aan katak nia mak Embaixador India

(eme)

LEAVE A REPLY

Please enter your comment!
Please enter your name here