PR Husu UNE-TL Ho Movimentu Hotu Hametin Dame

DILI, STLNEWS.co – Prezidente Republika (PR), Jose Ramos Horta husu UNE-TL hamutuk ho movimentu hotu hametin nafatin dame iha rai loron no mundu.

Xefe Estadu hatoo lia hirak nee liu husi nia diskursu, bainhira partisipa serimonia investura ba Patronu UNE-TL, iha Palasiu Prezidensial, Nicolau Lobato, Bairo Pite, Dili, Kuarta Lokraik (06/12/2023).

“Ohin hau simu ondra ida nee, hau la hatene todan ondra ida nee, tanba tuir tradisaun Prezidente Republika patronu ba movimentu eskoteru nasional neebe hamutuk ho movimentu sira hotu-hotu iha mundu buka kontribui movimentu kada eskoteru, kada sidadaun ba hametin liu tan dame iha ita nia rain, dame iha mundu. Iha misaun ida nee ema barak anonimu rihun ba rihun iha mundu anonimu prosesu nee normal, ita rona líder barak karik iha rai neebe deit, maibe iha movimentu sira nee istoria nee sempre iha ema rihun ba rihun anonimu iha líder nee nia kotuk nee mak bele ba oin,” katak PR, Horta.

Nia hatete, iha misaun neebe movimentu hili prioridade liu adapta ba realidade kada sosiadade no nasaun. Dezafiu foun neebe mosu iha mundu, dezafiu boot ida mak alterasaun klimatika, klaru alterasaun klimatika laos fenomena ida neebe sientista ruma deklara ohin hahu krize alterasaun klimatika.

Prosesu nee hahu kedas pelumenus tinan atus ida liu ba, hahu ho primeira revolusaun industrial neebe hahu iha Inglatera, depois hakat ba segunda revolusaun industrial husi segundu ba terseiru hakat lalais loos tama ona iha kuarta revolusaun industrial.

Xefe Estadu afirma, alterasaun klimatika neebe afeta ita hotu-hotu iha mundu hahu iha 1970 italldepende laiha konkordansia konaba tinan neebe prosesu nee hahu bainhira iha Inglatera muda husi buat neebe manual ba buat neebe makina aselera produsaun atu aumenta ekonomia. Timor Leste sai vitima ba mudansa klimatika, haree ilha Timor-Leste deit, rai bara-barak.

Nunee mos Prezidente UNE-TL, Idelta Rodrigues hatutan, seremonia invetidura ba Prezidente Republika nudar patronu ba UNE-TL ba periodu 2023-2027.

“Movimentu eskoteru nuudar organizasaun importante ida neebe harii iha tempu Indonezia joven barak mak lakon sira nia vida, servisu voluntariu neebe la sura kolen hodi konkista ita nia ukun rasik an. Iha okaziaun ida nee nuudar Prezidente UNE-TL rekomenda ba patronu atu konsidera mos sira neebe kontribui ona ba prosesu ukun rasik an. Sira barak mak ohin loron sei moris hela ho idade hahu avansadu ona, maibe sira barak mos mate neebe seidauk iha rekonhesimetu husi estadu ba sira nia partisipasaun,” katak nia.

Nia hatutan, UNE- TL selebra aniversáriu UNE-TL nian ba dala 18 iha loron 2 fulan Dezembru 2023. UNE-TL nia ezistwnsia erra ukun an halo ona nia misaun krítiku tebes no signifikativu maske sosiadade balu seidauk hatene dezenvolvimentu foinsae sira nian neebe sira produz iha mahon organizasaun ida nee nian.

(eme)

LEAVE A REPLY

Please enter your comment!
Please enter your name here