DILI, STLNEWS.co – Prezidente Republika (PR) Jose Ramos Horta hatete, nia konkorda 100%, Primeiru Ministru Kay Rala Xanana Gusmao nomeia Longuinhos Monteiro asumi knaar nudar Diretor Jeral Servisu Nasional Intelejensia (SNI).
Prezidente Republika Jose Ramos Horta hatoo lia hirak nee ba jornalista sira, bainhira remata halo vizita ba Hospital Nasional Guido Valadares (HNGV), Kinta (07/09/2023).
Nia hatete, nia rasik konkorda ho desizaun husi Primeiru Ministru neebe nomeia Longuinhos Monteiro ba lidera SNI.
“Klaru hau konkorda, hau apoiu 100%, hau halo karta ba Primeiru Ministru, hau konkorda ba nomeiasaun ida nee,” katak Horta.
Iha biban nee, Prezidente Republika husu Diretor SNI Longuinhos Monteiro atu servisu ho diak, no labele mete iha politiku.
Nunee mos tuir Diretor Jeral Servisu Nasional Intelejensia (SNI) Longuinhos Monteiro hatete ona katak, ho konfiansa neebe nia simu nee la haree ba pesoal, maibe haree liu ba profisional.
“Hau la haree ba pesoal, haree ba profisional ninian,” dehan Diretor Jeral Servisu Nasional Intelejensia (SNI), Longuinhos.
(eme)
