DILI, STLNEWS.co – Prezidente Republika (PR), Jose Ramos Horta, laiha problema ho dokumentus proposta neebe mak hatama husi povu no estudante sira no proposta hirak nee sei enkamina ba ministeriu relevante.
“Buat balun 1% ka 2% hau bele ajuda, maibe buat balun tuir regras no lei no laos kompetensia prezidente, nia haruka ba Ministeriu Solidaridade Sosial, Premeiru Ministru rasik hatudu ba hau tuir orsamentu governu nian ida neebe mak prezidente bele kolabora ho governu para bele ajuda ema sira nee, hau laiha problema, sira hatama tinan hirak nee hau simu surat lubuk ida, balun hau ajuda, balun hau la konsege ajuda,” dehan PR, Ramos Horta, ba jornalista sira bainhira remata halo vizita ba Servisu Autonomu Medikamentu no Ekipamentu Saude (SAMES), Kampu Alor, Dili, Segunda nee ( 01/08/2022).
Nia hatete, sei haree orsamentu husi prezidensial nian, ida neebe mak PR posibilidade apoiu bele apoiu, ida neebe mak labele sei hatoo ba kada ministeriu tuir proposta husi komunidade sira nian.
Xefi Estadu hatutan, haree ba problema povu nia neebe mak hatama dokumentus ba iha palasiu hodi husu apoiu, PR rasik koalia ona ho Primeiru Ministru Taur Matan Ruak no kolabora ho governu hodi haruka ba, maibe ho nota ida.
(eme)
