DILI, STLNEWS.co – Adjunta Xefi Kaza Sivil Prezidensia Republika, Henriqueta da Silva hetete, Prezidensial Republika (PR) seidauk iha karta sirkular ofisial neebe hasai husi Palasiu Prezidensial, hodi fo sai ba komunidade sira lori porposta mai.
“Iha nee laiha orientasaun politika ida ba komunidade sira atu hatoo proposta i laiha sirkular ruma hasai ofisialmente ba komunidade sira ou estudante sira atu mai hatoo proposta ba bolsu estudu,” hatete Adjunta Kaza Sivil, Henriqueta da Silva, ba jornalista sira iha Palasiu Prezidensial Nicolau Lobato, Bairu Pite, Dili, Tersa nee (26/7/2022).
Agora daudaun proposta neebe hatama husi komunidade no estudante sira pur volta rihun neen (6) proposta.
Iha biban nee, Jacinto Pereira hatete, sira halo proposta husu osan, tanba Covid-19 durante tinan rua nia laran povu Timor laran tomak la konsege ba merkadu hetan buat ruma. Ho ida nee mak sira mai husu ajuda ba Prezidente Republika, atu bele fo apoiu ruma ba sira hodi sustenta familia uma laran.
(cri)
