Presiza Aumenta Kondutor & Ambulansia Iha SSC

DILI, STLNEWS.co – Presiza aumenta kondutor ho ambulansia ba iha Sentru Saude Komoro (SSC), tanba la sufisiente.

Kestaun nee hatoo husi Prezidente Komisaun F iha Parlamentu Nasional neebe mak trata asuntu Saude, Maria Gorumali iha Sentru Saude Komoro, Kuarta (17/01/2024).

“Ita bele haree katak, presiza apoiu tan kondutor ho ambulansia, tanba liga mos ho movimentu refere pasiente ba iha Hospital Nasional Guido Valadares (HNGV), nee loron ida bele transfere liu husi dala lima ka dala neen. Entaun ida nee presiza aumenta tan kondutor ho ambulansia ba iha Sentru Saude Komoro,” dehan nia.

Tanba iha sentru nee iha deit ambulansia ida no multifunsaun ida, neebe presiza aumenta tan.

“Ho informasaun neebe mak iha katak, ami Komisaun F haree katak, kareta ambulansia ho multifunsaun ida-ida deit, entaun la sufisiente, no kondutor mos la sufisiente, tanba atedimentu populasaun barak liu iha postu administrativu ida neebe mak populasaun barak liu,”katak nia.

Nia afirma, pasiente neebe baixa mos ho numeru neebe makaas, entaun afeta mos atendimentu husi profisional saude sira, maibe diak idak mak ho situasaun ida neebe mak iha, hanesan problema rekursus umanus, maibe sira bele jere jestaun ida neebe mak diak, atu halao prosesu atendimentu regular hodi koloka ona ba sala sira hanesan maternidade no emerjensia.

(nat)

LEAVE A REPLY

Please enter your comment!
Please enter your name here