DILI,STLNEWS.co – Oras ne’e viral iha media sosial konaba inan feton ida ne’ebe hasai linguajen mal ka tolok hasoru lider Karismatiku Xanana Gusmão ho Prezidente Republika (PR) Jose Ramos Horta.
Kestaun ne’e hato’o husi Deputadu Bankada CNRT Domingos Carvalho katak, iha video ne’ebe ema hasai linguajen mal hasoru lider Karismatiku Xanana ho PR Ramos Horta ne’e, ema deskonfia katak moras mental, maski kondisaun moras mental mos nia linguajen sai moos loos, i nia ko’alia ne’e tane fali ema balu la merese atu tane, depois hatun no ko’alia a’at fali Premiu Nobel da Paz atual PR Jose Ramos Horta, no mos Xanana hanesan lider Karismatiku, i Xanana ne’e konhesidu mos iha mundu internasional no ema tane hanesan bee kopu ida la nakfakar, maibe sidadaun ne’e hasai fali liafuan mal ka tolok.
“Hau hare’e seguransa kaer ona ema ne’e, presiza investiga, nia hakarak ko’alia ka iha ema ruma mak haruka ka selu ho osan, hodi hasai linguajen mal ka tolok hasoru Xanana ho Ramos Horta, laos deit ema ko’alia ne’e, maibe kaer mos ema ne’ebe halo video hodi post iha media sosial”, katak Deputadu CNRT Domingos Carvalho ba STL liu husi telefone iha Dili, Sesta nee (05/05/2023).
Nia dehan, parte seguransa tenki ivenstiga hodi hatene loos, ema mak selu nia ka oinsa, tanba maski ema ne’e kondisaun moras mental, maibe mos bele deskonfia ema balu mak haruka
Tuir nia, presiza halo investigasaun mos ba ema ne’ebe mak halo video ne’e, nebee post iha mesia sosial. Tanba tuir informasaun katak ema ne’ebe halo video ne’e pesoal seguransa balu, ne’ebe tenk buka tuir hodi halo investigasaun klean.
Tanba tuir nia, inan feton ne’e moras mental mak ko’alia deit laiha, ema balu halo video ka halo gravasaun ohin loron la viral hanesan ne’e, maibe tanba ema ne’ebe halo video no posting ne’e presiza mos halo investigasaun klean.
(gui)
