Prioridade CNRT Normaliza Folin Sasan

DILI, STLNEWS.co – Kompromisu Partidu CNRT iha kampanha mak bainhira kaer ukun sei normaliza presu sasan iha merkadu, tanba nee hein formasaun governu los ona mak presu sasan sei lao normal, liu liu folin foos no nesesidade baziku neebe oras nee implika ba povu kiik.

Kestaun nee fo sai husi reprezentante povu iha uma fukun Parlamentu Nasional, Deputadu Patrocino Fernandes husi Bankada CNRT ba STL iha Parlamentu Nasional, Segunda (25/06/2023).

“Hau hanoin atu normaliza presu sasan iha merkadu sai hanesan kompromisu CNRT nian, fiar katak formasaun governu nee los ona mak presu sasan sei normaliza hodi labele implika ba povu kiik,” dehan Deputadu Patrocino.

Nia afirma, atu normaliza presu sasan iha merkadu sei sai prioridade ba CNRT, tanba nee prosesu ba formasaun governu foun sei lao hela.

Tuir nia, folin foos sae makaas iha merkadu rai laran, dala ruma impaktu husi fator lubuk ida, tanba nee governu foun mai tenki haree didiak, no identifika kauza husi folin sasan sae nee tanba saida, sae kedas husi nasaun importador ka ou kompanhia importador sira mak keta halimar folin iha merkadu, tanba nee presiza identifika didiak, atu nunee bainhira fo solusaun karik, tenki solusaun neebe diak ba povu.

(mad)

LEAVE A REPLY

Please enter your comment!
Please enter your name here