DILI, STLNEWS.co – Asuntu prioridade tolu (3) neebe mak sai prioridade ba Assosiasaun Defisiensia Timor Leste (ADTL).
Tuir Diretor Ezekutivu Assosiasaun Defisiensia Timor Leste (ADTL), Cesario da Silva ba STL iha nia knaar fatin, Sesta nee (28/07/2023).
“ADTL nian prioridade tolu mak importante, ida mak edukasaun kapasitasaun, nee mak atu orienta liu ema ho defisiensia sira nian asesu ba setor edukasaun no formasaun sira, ho ida nee liu-liu ADYL nian haree liu iha nivel universitariu, entaun servisu ida mak ministeriu ensinu superior sosializa ba ema ho defisiensia sira, liu-liu asesu ba ema ho defisiensia ba iha ensinu superior presiza aumenta,” dehan nia.
Nia dehan, formasaun sira liu-liu iha akampamentu ba foin sae defisiensia sira atu melhora koneshimentu ema defisiensia sira, aleinde atividades ida nee, prioridade ida seluk mak kapasitasaun, liu-liu fo deit formasaun ba organizasaun defisiensia sira para bele tau matan ba ema ho defisiensia sira, atu hakbit sira nian organizasaun.
“Atu bele forti liu hodi halo advokasia, no atu bele forti liu ba sira neebe mak baze, liu-liu ba defeza, proteje no promove didiak, aleinde ida nee priotariu ida mak advokasia no inkluzaun sosial, nee foku liu ba nivel nasional, oinsa atu integra ba inkluzaun defisiensia ninia,” tenik nia.
Iha fatin hanesan, Veronica Besi hanesan jestora programa ADTL dehan, liga ba asuntu ida nee diak liu halo intervista deit ho Diretor Ezekutivu, tanba agora daudaun nia iha fatin ona, neebe bele halo intervista direita ho nia.
“Agora direitor iha hela, neebe halo intervista deit ho diretor ezekutivu, tanba agora daudaun nia iha hela fatin,” nia dehan.
Iha parte seluk, Bendita Maia da Costa hanesan defisiensia hatete, organizasaun hirak neebe haree ba defisiensia sira, nee sempre iha programa neebe haree ba ema ho defisiensia sira nian.
“Hau senti ita nian organizasaun neebe mak haree ba asuntu ema ho defisiensia sira, oinsa mak liu husi sira nian programa, para bele halo advokasia iha munisipiu sira, liu-liu hirak neebe haree ba asuntu ema ho defisiensia sira,” dehan nia.
(jac)
