DILI, STLNEWS.co – Proposta Orsamentu Jeral Estadu (OJE) 2024, daudaun nee Komisaun Revizaun Orsamentu (KRO) sei halao servisu hela ba rezumu durante aprezentasaun husi governantes sira, tanba nee hein aprezenta ba Konselhu Ministru (KM) nia montante fiksu.
Tuir Visi Ministru Asuntu Parlamentares, Aderito Hugo katak, konaba prosesu poposta Orsamentu Jeral Estadu 2024, too ohin loron KRO sei nafatin halo servsiu hodi hein aprezenta ba KM, tanba KM tenki aprova fali rezultadu final husi KRO ba lina ministerial hotu, depois transforma ba proposta lei OJE 2024, antes dia 24 agora atu submete ba PN tuir kalendariu IX Governu.
“Husi rezultadu rezumu orsamentu KRO nian, hau mos seidauk haree, tanba servisu daudaun lao hela, serteza ona hein aprova iha KM, ho montante fiksu, maibe dezde dezena orsamentu 2024, governu mai ho senariu bilhaun U$ 1.6, KRO sei haree, tanba husi bilhaun U$ 1.6, mantein ka ultrapasa bele mos menus”, katak Visi Ministru Asuntu Parlamentares, Aderito Hugo ba jornalista Tersa (14/11/2023) iha Parlamentu.
Nia dehan, nia montante fisku hein proposta final neebe sei submete ba KM.
Enkuantu atu haruka mai PN nee kalendariu mak 24 Novembru nee, maibe ants atu submete mai PN; iha nivel governu nian tenke hatene nia montante, maibe agora seidauk hatene loos nia montante tanba servisu lao hela.
Kontinua ba pajina 2
Aderito katak, politikamente IX Governu fahe emvlope fiskal ho senariu bilaun U$ 1.6, maibe iha mos billaun U$1.7 to billaun U$ 1.9, neebe dadaun nee PM ho ekipa halo hela servisu kada loron, maske Sabado Domingo, maibe PM Xanana orienta nafatin servisu lao ho ekipa tekniku sira, hodi haree montante nee fiksu duni ho billaun U$ 1.6 ka menus ka ou ultrapasa, karik menus entaun ida nee IX Governu konsidera ba Fundu Petroliferu, neebe menus ba dadaun, ameasa Timor ba situasaun laiha ona osan, tanba nee tenke koidadu atu foti osan povu nian, atu nune labele tama ba iha fiskal klip.
Tuir nia, governu sei halao servisu hela hodi haree, karik mantein ho montante, karik liu ou menus sei haree ms ba razaun sira.
Nunee mos Xefi Bankada CNRT, Duarte Nunes hatete, haree ba proposta OJE nee depois iha debate mak sei haree hamutuk, tinan 2024 nee governu importansia liu saida.
Neebe proposta OJE nee mai iha dia 24 agora, ida nee iha debate sei bele dada too Janeiru, tanba haree ba mekanizmu koalia, i aprezentasaun relatoriu nee Janeiru foin bele aprova.
Tuir nia, ho proposta OJE nee mai iha dia 24 agora, depende ba governu atu mai ho karater urjensia ka normal, maibe bele ho karater urjensia laiha impaktu, tanba nee lei espesial, i planu neebe halo bei-beik ona. Neebe governu bele husu ho karater urjensia enkuantu PN mak sei organiza nia meius debate.
(gui)
