Prosesu Harii Edifisiu PN, CNRT La Hatane

DILI, STLNEWS.co – Prosesu atu harii edifisiu Parlamentu Nasional (PN) nian, Bankada CNRT rasik la hatene, tanba laiha informasaun ruma konaba ninia rezultadu ba prosesu nee too iha neebe.

Tuir Xefi Bankada CNRT, Duarte Nunes hatete, relasiona ho edifisiu PN se mak iha direitu atu koalia too mai iha momentu nee mak PPN, tanba durante iha tinan 5 tau duni orsamentu atu halo preparasaun.

“Maibe hau rona dehan ba haree rai iha Hera, maibe too iha neebe ami laiha informasaun, tanba la fo sai ba deputadu sira, nia rejultadu too iha neebe, osan nee sira gasta too iha neebe ita seidauk iha informasaun,” dehan nia ba jornalista sira iha PN, Kuarta (31/05/2023).

Deputadu nee hatete, maibe nee meja PN mak bele fo sai informasaun, konaba ninia situasaun lo-loos nee too ona iha neebe, esforsu neebe mak halo tinan 5, nomos antes nee iha hatutan iha tinan 5 nia laran too mai iha neebem CNRT la hetan informasan.

Nia hatutan, Sekretariu Jeral PN nee FRETILIN nia ema no CNRT laiha informasaun, tanba atu harii edefisiu PN, PPN hamutuk ho Sekretariu Jeral sira mak halo prosesu nee.

(dom)

LEAVE A REPLY

Please enter your comment!
Please enter your name here