DILI, STLNEWS.co – Reprezentante povu iha uma fukun Parlamentu Nasional (PN) hatete, desizaun governu nian neebe hatun hikas taxa importasaun husi 5% ba 2,5%, nee komitmentu IX Governu nian iha 120 dias nia laran.
Deputadu Bankada CNRT, Ricardo Baptista hatete, desizaun governu nian horiseik redus taxa impostu husi 5% ba 2,5%.
“Nee komitmentu IX Governu hahu kedas inisiu forma governu. PM hatete kedas atu normaliza sasan nesesidade baziku ninia folin iha merkadu, primeriu mak hatun taxa importasaun husi 5% neebe governu anterior hasae husi 2,5% ba 5%, agora redus fila fali taxa importasaun ba 2,5%,” dehan nia ba jornalista sira iha PN, Kuarta (10/08/2023).
Nia afirma, maibe keta haluha taxa denda nee mos iha, neebe saida mak governu atu lori mai depois mak haree took, ezemplu hanesan masin-midar ninia taxa importasaun kona mos hanesan neseidade baziku sira seluk 5%, maibe depois mak haree taxa sira nee, taxa ida neebe mak sei redus.
(dom)
