Refujiadu Fila Mai, Lori Impaktu Negativu & Pozitivu

DILI, STLNEWS.co – Refujiadu Timor oan neebe mak hela iha Indonezia no Kupan fila mai Timor Leste (TL), impaktu pozitivu no negativu iha hotu.

Kestaun nee hatoo husi Ativista Feto, Judite Dias Ximenes, Ba STL iha nia knaar fatin, Tersa nee (02/08/2022).

“Refujiadu fila mai TL iha impaktu pozitivu no negativu iha hotu, impaktu pozitivu mak mai hamutuk ho familia, Timor iha lisan, mai hamutuk iha lisan ida sai barak liu tan hodi hamutuk iha eransa neebe mak avo vizavo rai hela ba. Impaktu negativu mak nee, politikamente krimi pasadu sira barak mak seidauk rezolve, ema soran ita tanba Timor ho Timor,” dehan nia.

Ativista feto nee hatete, rekonsiliasaun nee bele lao, maibe ema kiik ho kiik nee problema sempre iha, ema boot ho boot bele diak malu, balun ohin loron mai hodi halo servisu iha parlamentu no governu, maibe kiik iha sosiedade sempre iha problema.

Nunee mos Feto Potensial Emerenciana Nipo mos hatutan, TL halo ona rekonsiliasaun, iha dame no hanoin neebe mak husi Prezidente Republika, Jose Ramos Horta hatete, tempu too ona haburas dame no Timor oan neebe mak iha Indonezia hakarak fila bele fila, nee hatudu ba mundu katak Timor fuan boot simu malu, tanba rekonsiliasaun lao.

“Husu mak Timor oan mantein pas iha rai laran, tanba funu nia hahalok mak halo ideas la hanesan, tanba nee perdua malu importante,” katak nia.

(eme)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...