Reinu Unidu Ho TL Sei Hametin Parseria

DILI, STLNEWS.co – Reinu Unidu ho Timor Leste (TL) sei hametin parseiru, nunee halo dezenvolvimentu iha area ekonomia saude iha TL.

Lia hirak nee hatoo husi Ministra de Estado para o Indo-Pacífico do Reino Unido, Anne-Marie Trevelyan ba jornalista sira, bainhira remata hasoru malu ho Prezidente Republika Jose Ramos Horta iha Palasiu Prezidente Bairo Pite, Sesta (29/09/2023).

Ministra hateten, kontenti hasoru malu ho Prezidente Republika, iha enkontru nee diskuti konaba hametin parseria rai rua, no Reinu Unidu iha kompromisu boot atu apoiu Timor Leste iha dezenvolvimentu ekonomia, saude no nutrisaun.

Nia afirma, senti kontenti mai Timor Leste, tanba vizita nee hanesan ministerial dahuluk Reinu Unidu mai iha Timor.

Ministra haktuir tan katak, durante hasoru malu ho Prezidente Republika halo diskusaun furak tebes hodi koalia konaba servisu hamutuk rai rua nia.

“Hau hodi Governu British nia naran, hau hakarak kongratula Prezidente Republika José Ramos-Horta konaba eleisaun pasifika no mudansa governu neebe diak. Ami hein atu servisu hamutuk ho governu foun, tanba ami diskuti dalan sira atu hametin ami nia parseria ho Timor-Leste, hodi apoia dezenvolvimentu ekonomia inklui saude no nutrisaun,” katak ninistra.

Nia haktuir tan, durante vizita iha Timor Leste sei lansa Programa Saude Reinu Unidu-husi UNICEF hodi suporta kampanha nasional Prezidente Republika Jose Ramos-Horta nian hodi ajuda kombate ml-nutrisaun. Programa nee sei treinu voluntariu komunitariu sira no estabelese grupu apoiu atu enkoraja konsellu ba inan-aman konaba prqtika ai-han saudavel.

Nunee mos Reinu Unidu iha kompromisu boot atu apoiu Timor-Leste nia adezaun ba organizasaun rejionál Association of Southeast Asian Nation (ASEAN).

Prezidente Republika mos sente haksolok hodi hasoru malu ho Ministra de Estado para o Indo-Pacífico do Reino Unido, Anne-Marie hodi koalia konaba parseria rai rua nia no oinsa RU bele apoiu iha area Saude hodi kombate mal nutrisaun iha Timor Leste.

Prezidente Republika mos preokupa makaas ho mal nutrisaun iha Timor Leste, tanba nee kontinua fahe fos nutritivu ba estudante iha Munisipiu hodi hasae nutritivu.

(eme)

LEAVE A REPLY

Please enter your comment!
Please enter your name here