DILI, STLNEWS.co – Komunidade sira neebe too oras nee seidauk simu ai haan sesta basika, hein dadus husi Ministeriu Administrasaun Estatal (MAE) valida tiha mak foin kompanhia sira halo distribuisaun, liu-liu ba sira neebe tama iha faze reklamasaun nomos sira neebe seidauk simu.
Kestaun nee fo sai husi Ministru Koordenador Asuntu ekonomia (MKAE), Joaquim Amaral ba jornalista sira iha IADE Bebora, Dili, Tersa nee (04/04/2023).
“Hau hanoin dadus sira nee ita haruka hotu ona ba iha Ministeriu Estatal atu haree, no husu ba autoridade lokal sira atu koopera ho governu, haruka dadus nee mai iha ministeriu hodi prosesa, no orienta kompanhia implementador sira hodi distribui,” dehan ministru.
Nia katak, tuir planu sei finaliza iha loron 30 Junhu tinan nee, maibe hein dadus sira nee kompletu hotu tiha lai, atu nunee bainhira fahe ba mos labele iha tan reklamasaun, no tenki taka total ona.
(mad)
