Reklamante Subsidiu US$ 200, Governu Husik Hela Tusan

DILI, STLNEWS.co – Povu sira neebe sai reklamante ba programa subsisiu US$ 200, too oras nee governu seidauk iha solusaun ka halo pagamentu ba sira, hakarak ka lakohi IX Governu mai mak tenki buka solusaun, hodi rezolve reklamante sira neebe seidauk simu.

Tuir Ministru Prezidensia Konselhu Ministru (MPKM), Fidelis Leite Magalhães katak, IX Governu tenki buka solusaun hodi rezolve reklamante sira neebe seidauk simu subsidiu US$ 200.

“Direitu sidadaun ida nian, nee sidadaun nian, neebe atu dehan deit ba ita katak, reklamante neebe seidauk rezolve nee governu ida mai tenki kontinua nafatin buka solusaun hodi rezolve problema nee,” dehan Fidelis Leite Magalhães ba jornalista sira, hafoin remata enkontru Konselhu Ministru iha Palasiu Governu, Kuarta nee (31/05/2023).

Nia dehan, reklamante neebe seidauk hetan subsidiu US$ 200 iha direitu atu kontinua ezije sira nia direitu, maski mandatu governu troka malu, maibe nia responsabilidade hanesan, oinsa atu haree konaba preokupasaun populasaun nia.

“Agora sira bele reklama sira nia direitu, tanba saida mak sira labele hetan sira nia direitu, governu ida neebe mak sae nee, ita nia governu hotu, sira tenki haree no halo oinsa mak bele rezolve problema ida nee,” dehan nia.

(alb)

LEAVE A REPLY

Please enter your comment!
Please enter your name here