SEFOPE Asina MoU Ho SOLS


DILI, STLNEWS.co – Sekretariu Estadu Formasaun Profisional no Empregu (SEFOPE) asina Momerandum of Understanding (MoU) ho Sols, hodi estabelese sentru formasaun lian ingles iha nivel teritoriu Timor Leste.

Lia hirak nee hatoo husi SEFOPE, Rogerio Araujo Mendonca ba jornalista sira iha Salaun SEFOPE Kaikoli, Kuarta (07/02/2024).

“Hau hanoin MoU ida ohin nee atu hatete deit katak, servisu akordu MoU entre SEFOPE ho SOLS, nia objetivu mak atu apoiu mos sentru formasaun iha kada munisipiu balun ba too iha postu, no oras nee balun too iha suku,” hatete Rogerio.

Tanba joven barak mai buka formasaun iha kapital, oinsa politika formasaun nian nee hodi lori fila fali joven sira nee ba iha munisipiu idak-idak nian.

Nia informa, SEFOPE nee halo deit MoU ho SOLS, maibe SOLS nee iha ninia estatutu rasik, nunee formasaun sei lansa iha semana oin mai. Ida nee atu hatete katak, formasaun nee free ba joven sira hotu.

Maibe agora ida nee mai ho ninia kompanhia ho estatutu neebe ketak, nunee SEFOPE labele desidi ida nee, nunee iha akordu nee mos SEFOPE fo fundus ruma ba iha SOLS laiha, maibe hanesan monitoriza ba iha sentru sira iha munisipiu nee responsabiliza SEFOPE nian, hodi garante kualidade formasaun no kualidade ba edukasaun depois remata sira nia formasaun.

Nia relata, formador sira nee mai husi rai liur hanesan Filipina, Malazia no India. Nunee iha intervensaun SEFOPE husu ba sira atu hasae kualidade ho formasaun no formador neebe mais kualifikadu.

Iha fatin hanesan, Fundador SOLS, Madenjit Singh hatete, asina MoU nee laos foin primeira vez, maibe antes iha ona, nunee kontinua deit sentru formasaun, iha sentru formasaun nee hamutuk 51 iha munisipiu sira.

SOLS garante kualidade neebe diak, nunee mos ajuda joven sira neebe kbiit labele kontinua estudu iha universidade sira bele tuir formasaun ingles, oinsa hasae sira nia konhesimentu iha lingua refere, iha formasaun nee lingua sira mak hanesan ingles, portugues no siensia ba vida nian.

(joa)

LEAVE A REPLY

Please enter your comment!
Please enter your name here