SEFOPE Seidauk Konkretiza Trabalhador Timor Oan Loke Business Iha Rai Laran

DILI, STLNEWS.co – Sekretariu Estadu Formasaun Profisional no Empregu (SEFOPE) seidauk konkretiza dadus lo-loos ba trabalhador Timor oan sira neebe ba servisu iha Australia no Korea mai loke business iha rai laran, tanba nee husi parte relevante sei esforsu atu identifika numeru trabalhador sira neebe kontribui ona ba familia no nasaun Timor-Leste.

“Ita iha dadus jeral ba trabalhador Timor oan sira neebe servisu iha rai liur, liu-liu Australia no Korea, maibe seidauk identifika lo-loos, katak trabalhador feto no mane hira mak loke ona bussines iha rai laran hodi kontribui ba ekonomia familiar no dezenvolvimentu nasional,” hatete Diretor Sekretariu Estratéjiku Nasional (SEN) iha SEFOPE, Paulo Alves ba jornalista sira iha Kaikoli Dili, Sesta (09/02/2024).

Tuir Sekretariu Estratéjiku Nasional (SEN) katak, proseau sira nee daudaun lao hela, no fiar katak SEFOPE servisu humutuk ho parseiru ba apoiu dezenvolvimentu bele estabelese prosesu ba identifikasaun trabalhador neebe servisu iha rai laran no rai liur nia kontribuisaun ekonomia familiar nian.

“Ita espera katak, servisu SEFOPE hamutuk ho Teknolojia Infomasaun no Komunikasaun (TIK) bele elaboriza sistema internet no website sira ho diak, atu ita bele identifika trabalhador sira ho diak, mezmu prosesu nee todan, maibe husi esforsu bele dezenvolve tuir tempu,” dehan nia.

Diresaun merkadu no trabalhu husi SEFOPE nian loke atu identifika trabalhador sira neebe daudaun nee servisu hela iha Australia no Korea, Japaun no nasaun sira seluk neebe sai hanesan nasaun bilateral, entaun husi diresaun refere bele halo esforsu oinsa identifika dadus trabalhador neebe loke bussiness iha rai laran hodi kontribui ba ekonomia ka nesesidade uma laran nian.

Aleinde nee mos Visi Primeiru Ministru (PM), Mariano Assanami Sabino husu ba trabalhador sira hotu neebe servisu iha Australia, Korea no nasaun bilateral sira hotu atu servisu kuidadu aan, hatudu nafatin disiplina no responsabolidade tomak durante iha ema nia rain, nunee tempu too bele loke Business ruma hodi dezenvolve fali nasaun TL.

Nia dehan, husi politika IX Governu Konstitusional, trasa hela politika ba programa, oinsa atu loke kampu servisu iha rai laran, nunee bele emprega joven sira atu servisu iha nia rain rasik, loke Business ruma iha rai laran, tanba nee ita tenki tau matan diak ba sidadaun Timor oan sira neebe servisu iha rai liur no laran.

Kuandu futuru mak iha kampu servisu rai laran barak ona, governu sei fo nafatin prioridade iha rai liur, nunee joven sira bele ba aprende, haree ema nia rai, oinsa ema moris, oinsa ema lao no ema esforsu. Tanba nee, parte relevante sira tenki halo identifikasaun ba trabalhador Timor oan hotu-hotu iha rai liur, neebe bele servisu ona atu kontribui ba nia nasaun, no ekonomia familia nian.

“Imi hanesan trababalhador neebe ba rai liur, imi tenki fiar aan, katak servisu neebe imi halo nee kontribuisaun boot ba familia neebe hela iha nee nomos ba ita nia rai,” dehan Assanami.

(EST 1)

LEAVE A REPLY

Please enter your comment!
Please enter your name here