DILI, STLNEWS.co – Sekretariu Estadu Igualdade no Inkluzaun (SEII), Elvina Sousa de Carvalho husu funsionariu hotu atu servisu makaas, nunee fo rezultadu diak ba feto no labarik sira, hodi bele atinji Igualdade Jeneru.
Sekretaria Estadu ba Igualdade, Elvina Sousa de Carvalho hatoo kestaun nee liu husi diskursu iha Serimonia entrega servisu no relatoriu husi SEII sesante ba sesante foun iha Salaun SEII, Segunda (03/07/2023).
Iha biban nee, Sekretariu Estadu Elvina hatoo apresiasaun no dedikasaun hotu neebe halo ona iha Promosaun ba Igualdade no Inkluzaun liu husi advokasia neebe nia hamutuk ho SEII halo ona liu liu ho ninia aproximasaun nerbe halo ba iha parte hotu.
“Apresia ba iha Sekretaria Estadu sra Merita Correia ba dedikasaun hotu neebe ita halo. Hau husu ba hotu-hotu hahu husi agora ba oin atu halo servisu makaas, nunee bele fo nafatin rezultadu diak ba iha Feto no Labarik-Feto iha rai-laran”, dehan Sekretariu Estadu.
Iha fatin hanesan, Sekretaria Estadu ba Igualdade no Inkluzaun Sesante, Maria do Rosário Fátima Correia iha nia intervensaun hatoo bemvindu ba Sekretaria Estadu ba Igualdade foun no hatoo progresu sira neebe Instituisaun nee atinje ona tuir Polítika VIII Governu Konstitusional nian neebe atribui ba iha SEII ho Objetivu prioridade haat mak hanesan Abordajen Integrada Jeneru iha Programa, Lei, Polítika no Orsamentu Estadu Prevensaun Violensia Bazeia ba Jeneru no Inkluzaun, haforsa Ekonomia Feto no Partisipasaun Feto iha Polítika.
Sekretaria Estadu Sesante mos sublina liu tan konaba atividade prinsipal balun neebe SEII seidauk konsege finaliza iha nia mandatu ikus, nunee husu atu iha IX Governu bele kontinua halo esforsu hanesan Revizaun ba iha Lei Kontra Violensia Domestika no Kodigu Penal neebe seidauk hetan hetan revizaun.
“Hau hatoo mos agradesimentu wain ba apoiu hotu husi ita-boot sira hahu hisi Diretór-Jeral, Diretores, Xefe-Departmentu, Pontu Fokal Munisípiu, Postu too iha cleaner sira. Imi hotu nian apoiu mak ita hotu hetan susesu”. “Husu ba imi hotu atu apoiu Sekretaria Estadu foun nee atu nune’me bele atinje prevensaun Violensia Bazeia ba Jeneru diak liu iha ninia mandatu”, katak nia.
Nunee mos Diretor-Jeral SEII, Armando da Costa lori Funsionariu/a Tekniku hotu nia naran hatoo Benvindu ba Sekretaria Estadu ba Igualdade foun hodi lidera Instituisaun nee ba tinan lima oin mai (2023-2028) no hatoo apresiasaun ba Sekretaria Estadu ba Igualdade no Inkluzasaun sesante neebe konsege atinje ona progresu lubuk iha VIII Governu Konstitusional.
“Hodi Funsionariu no tekniku hotu nia naran hau hatoo Bemvindu ba Exelensia Sekretaria Estadu foun. Ami hotu prontu atu apoiu Ita-Boot nia servisu durante mandatu tinan lima nian, Ami nia apresiasaun ba Exelensia Sekretaria Estadu Sesante. Maske foin hamutuk tinan 1 fulan 2 hodi lidera Instituisaun nee, maibe konsege atinji buat barak ho advokasia neebe Ita halo,” katak nia.
Ditetór-Jeral mos katak, iha progresu lubuk neebe Sekretaria Estadu Sesante atinje liu husi advokasia neebe nia halo ba iha parte hotu. Susesu hirak-neebe haree mak ho Advokasia SEII halo.
Agora daudaun loron 3 Novembru durante nee hanesan loron komemorativu agora hanesan ona Loron Feriadu Nasionl Konvensaun Ema ho Defisirnsia Ratifika iha Parlamentu Nasional no ikusmai konsidera ona Loron Komemorativa ba Ema ho Defisiensia, Estadu konsidera Sertidaun RDTL ba oan husi rezultadu violensia seksu, halo advokasia ho Igreja no ikus mai Igreja Konsidera atu fo sertidaun Baptizmu ba oan sira neebe aman laiha no atinjimentu seluk neebe mensiona iha dokumentu relatoriiu Tinan Lima no dokumentu seluk neebe sei hand over.
(eme)
