DILI, STLNEWS.co – Semana oin Parlamentu Nasional (PN) sei halao eleisaun ba Komisariu Komisaun Anti Korupsaun (KAK), tuir ajenda neebe aprovadu ona.
Prezidente Parlamentu Nasional (PPN), Maria Fernanda Lay hatete, enkontru lider bankadas ohin aprova ajenda neebe baixa ba semana oin nian.
“Nunee eleisaun ba Komisariu KAK iha Segunda, tanba nee urjente i bankadas sira konkorda, no kleur liu ona,” dehan nia ba jornalista sira iha PN, Sesta (22/09/2023).
Nia dehan, entaun nee sai hanesan ajenda neebe prioridade mak eleisaun ba Komisariu KAK iha semana oin.
“Ami tenki hili, tanba bankada sira mos konkorda hotu,” afirma nia.
Lay afirma, tuir fali mak relatoriu sira tenki aprova, bainhira deputadu sira ba halo fiskalizasaun nomos sai ba rai liur mak, sai ajenda sei debate iha loron Segunda no Tersa semana oin.
(dom)
