Tane Konsumidor Husu EDTL Garante Ahi Lakan Permanente

DILI, STLNEWS.co – Relasiona ho ahi neebe mak daudaun nee akontese mate lakan iha Munisipiu Dili inklui munisipiu seluk, Asosiasaun Tane Konsumidor husu ba Eletrisidade Timor-Leste Empreza Publika (EDTL.EP) tenki garante ahi lakan permanente, tanba konsumidor selu hakarak ahi lakan permanente.

Tuir Prezidente Tane Konsumidor, Antonio Ramos hatete, perspetiva tane konsumidor nian mak bainhira konsumidor ida selu ahi, nia hakarak ahi lakan permanente, ida nee mak konsumidor nia interese.

“Kabe ba EDTL neebe nudar responsabilidade ahi nee tenki garante ba ahi nee atu bele lakan permanente, tanba ahi nee nudar prinsipiu ida, katak servisu publika ida neebe tenki fo ninia kualidade neebe diak no fo ninia kontinuidade, nunee ahi labele mate hela deit, se mate hela deit nee sei prejudika ba konsumidor,” dehan nia ba STL iha nia knaar fatin Vila Verde, Dili, Segunda nee (25/07/2022).

Nia dehan, molok nee Tane Konsumidor bolu atensaun liu husi karta neebe  hatoo ona iha tinan kotuk, konaba oinsa mak atu proteje konsumidor sira nia direitu. Tanba nee bolu atensaun atu hadia iha servisu publiku, hanesan ahi nee tenki garante ninia kualidade no kontinuidade no mos ninia manutensaun nee tenki lao ho diak.

Iha fatin ketak, Koordenador Lao Hamutuk Celestino Gusmao Pereira haktuir, konaba problema ahi mate lakan ida nee prejudika mos ba investor sira, nunee investor nee atu mai mos laos haree deit iha eletrisidade mesak, iha problema barak.

“Ita la hatene ahi mate lakan nee servisu EDTL mak la diak ka oinsa, maibe ita haree kada tinan EDTL simu osan US$ 100 milloens, agora sira kobra fali husi nee iha US$ 40 milloens deit, US$ 60 milloens nee hetan fali husi neebe,” haktuir nia.

Nia hatutan, problema konaba ahi mate lakan nee bainhira haree investimentu ba EDTL nee boot tebes, ida nee fundamental, tanba nee EDTL tenki haree didiak konaba gastus no reseitas.

(san)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...