DILI, STLNEWS.co – Primeiru Ministru Taur Matan Ruak hatete, sira prontu apoiu programa IX Governu Konstitusional.
Primeiru Ministru Taur Matan Ruak hatoo kestaun ba jornalista sira, bainhira remata halo enkontru ho Prezidente Republika Jose Ramos Horta nomos Prezidente Partidu CNRT Kay Rala Xanana Gusmao iha Palasiu Prezidente Bairo Pite, Sesta (30/06/2023).
“Ami prontu para apoia,” katak Taur Matan Ruak.
Oinsa Primeiru Ministru nia haree konaba postura governasaun ida agora nee, hatan ba kestaun nee, PM taur hatete, sira prontu apoiu governasaun agora.
Iha biban nee, Prezidente Republika Jose Ramos Horta hatete, iha enkontru nee Primeiru Ministru hatete ona katak nia sei apoiu IX Governu Konstitusional.
“Primeiru Ministru sesante hatete no fo ordem ona, Ministru se Governu foun presiza esklarese buat ruma, sira disponivel para atu servisu hamutuk, para tradisaun ba governu foun lao diak, i ba futuru mos PM Taur Matan Ruak hatete, nia sempre disponivel para apoiu governu foun, para iha enkontru ruma, problema ruma, presiza rona Primeiru Ministru, Taur Matan Ruak nia opiniaun, portantu ida nee mak ohin ami koalia,” katak PR Horta.
Xefi Estadu hatete, iha enkontru Primeiru Ministru Taur Matan Ruak mos hatete ona katak, disponivel apoiu governu foun, nunee hodi haree ba povu nia moris diak.
(eme)
