DILI, STLNEWS.co – Atividade komersial neebe lao iha rai laran domina tebes husi Xineza sira, hahu husi negosiu kiik too boot, ate suku sepatu no loke kios. Problema nee akontese tanba Timor oan laiha kreatividade hanesan Xina.
Kestain neee fo sai husi reprezentante povu iha uma Fukun Parlamentu Nasional, Deputada Josefa Alves Pereira ba STL, Kuarta (22/03/2023).
“Ita nia Timor oan laiha kreatividade, tanba nee mak atividade negosiu neebe lao iha rai laran domina husi Xineza sira, dala ruma Timor oan lakohi atu buka osan, hein deit apoiu ka subsidiu husi governu, tan nee atividade negosiu hahu husi kiik too boot ema Xina mak domina iha merkadu TL,” dehan deputada nee.
Nia katak, atividade hotu-hotu nee Timor oan bele halo, maibe fila fali ba mentalidade Timor oan sira nian, lo-loos aproveita rekursu neebe TL iha liu husi Orsamentu Jeral Estadu (OJE) neebe preve ona, atu fo kreditu ba Timor oan sira nomos setor privadu neebe iha talentu atu buka moris, maibe realidade osan sira nee sei tomak hela.
(mad)
