DILI, STLNEWS.co – Prezidente Republika (PR), José Ramos Horta, hafoin partisipa iha jantar hamutuk ai haan lokal iha Palasiu Prezidensial hatete, Timor oan hotu tenki hatoman han hahan neebe mai husi produtu lokal, labele han demais etu ka foos.
Kestaun nee hatoo husi Xefi Estadu, José Ramos Horta, bainhira partisipa iha jantar hamutuk ho organizasaun Sosiedade sivil sira, hanesan CCFD Terre Solidaire, AFD, PRCIC, Asosiasaun HAK, Kadalak Sulimutuk Institutu, Permatil, Mata Dalan Institutu no Ismaik, iha Palasiu Prezidensial Nicolau Lobato, Dili, Segunda nee (25/7/2022).
“Timor oan sira tenki hatoman han hahán neebe mai husi produtu lokal, hanesan aifarina, batar no fehuk, tanba hahan sira nee kontribui nutrisaun diak ba ema nia saude. Labele han demais etu ka foos,” dehan Prezidente Republika, José Ramos Horta, liu husi nia diskursu.
Bainhira Timor oan sira konsumu hahan neebe la saudavel bele provoka diabetes, hahan seluk neebe Timor oan barak konsumu no la kontribui ba saude, mak supermie, tanba nee ema Timor oan tenki hatoman hemu bee barak no han aifuan makaas atu hadia nutrisaun ema nian, liu-liu ba labarik no inan isin rua.
(cri)
