DILI, STLNEWS.co – Ezistensia tinan 6 progrsu barak mak Autoridade Inspesaun, Fikalizasaun Atividade Ekonomia, Sanitaria no Alimentar (AIFAESA) halo ona.
Kestaun nee fo sai husi Inspetor Jeral AIFAESA, Ernesto Monteiru, ba jornalista sira iha Delta Nova, Kuarta nee (27/07/2022) .
“Ohin ami kompleta ona tinan 6, liu husi aniversariu ida nee ami mos fo pose ba funsionariu AIFAESA nain 10 neebe liu ona iha vaga atu apoiu servisu iha AIFAESA, durante tinan 6 nee progresu balun mak AIFAESA halo ona liga ho preokupasaun povu nian,” dehan nia.
Nia afirma liu tan, difikuldade neebe AIFAESA hasoru mak sei iha limitasaun ba ema, no agradese tanba bele fo ona tomada de pose ba ema nain 10 neebe liu ona iha AIFAESA.
(mad)
