TL & Banku Mundial Asina Akordu Emprestimu Tokon US$ 121


DILI, STLNEWS.co – Ministru Finansas, Rui Gomes, reprezenta Governu Timor-Leste no reprezentante Banku Mundial iha Timor-Leste, Bernard Harborne, ohin asina ona akordu emprestimu ho montante millaun US$ 121 hodi dezenvolve, hadiak, no espande sistema bee moos iha kapital Dili parte Leste.

Projetu fornesimentu bee moos nee sei benefisia populasaun hamutuk 82.380, liu husi koneksaun bee ba uma no monta kontador hamutuk 12.482 iha uma sira.

“Ita hotu hatene katak kapital Dili enfrenta hela dezafius oin-oin iha área sosiál no ambientál. Por ezemplu, husi ema nain 5, ema nain 3 mak laiha asesu ba bee moos, inan feton no labarik barak mak lakon tempu ba kuru bee, situasaun nee obriga labarik sira labele ba eskola no lakon oportunidade ba edukasaun. Ida ne’e akontese tinan barak ona,” dehan Ministru Finansas (MF), Rui Gomes, iha ambitu selebrasaun akordu imprestimu ho Banku Mundial neebe halao iha edifsiu Ministeriu Finansas, Aitarak-Laran, Sesta Lokraik nee,(29/07/2022).

Bee moos iha kapital Dili sai problema boot tebes no kompleksu liu tan, tamba populasaun aumenta hela deit kada tinan lais liu fali taxa kresimentu disponibilidade servisus. Tanba Kuaze 1/3 husi populasaun tomak Timor-Leste nian konsentra iha Dili, no halo ita-nia rekursu bee hetok limitadu.

Projetu sei hahu iha fulan Outubru tinan ida nee, ba durasaun tinan hitu hodi dezenvolve, hadiak no espande sistema distribuisaun no kanalizasaun bee moos iha kapital Dii parte Leste, neebe barak mak tuan ona no laiha reparasaun.

(alb)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...