DILI, STLNEWS.co – Reprezentante povu iha uma fukun Parlamentu Nasional (PN), Prezidente Bankada FRETILIN, David Dias Ximenes Mandati hatete, Timor Leste nee ema hotu nian, tanba refujiadu neebe mak hela iha Timor osidentál hakarak fila bele mai, tanba ohin loron barak mos mai ona Timor.
“Prezidente Republika (PR) la dehan fila kedas nee laiha, nee normal rai nee ita nia hotu, hakarak mai bele mai, no hakarak hela iha neeba problema sira nia rai, uluk mos ita la duni ema ida ba iha neeba, neebe durante PR buka tuir nia ema nee los,” katak Deputadu Mandati ba STL liu husi telefone ba STL Kinta nee (04/08/2022).
Nia haktuir tan, nia mos rona prezidente koalia, maibe la dehan haruka hotu mai Timor Leste, maibe dehan deit se mak hakarak fila, bele fila.
Nunee mos Diretora Fundasaun Haburas Moris, Emerenciana Nipo hatete, Timor oan neebe mak halai ba iha Kupang Atambua nee, tanba funu nia hahalok mak ba, maibe ohin loron ema barak mos fila ona mai Timor.
(eme)
