DILI, STLNEWS.co – Timor Leste (TL) sai hanesan fator determinante ba mundu konaba Solar Eklipse, tanba nee husu ba povu tomak atu hakmatek iha uma, karik lao sai tenki uza oklu, ho nunee labele fo impaktu ba matan.
Kestaun nee fo sai husi Deputadu FRETILIN, Fabiao de Oliveira ba STL iha Parlamanetu Nasional, Tersa nee (18/04/2023).
“Hau hanoin papel governu nian mak atu halo sosializasaun ba povu, konaba Solar Eklipse nee, oinsa povu labele paniku, tanba TL sai ona fator determinante ba Solar Eklipse, ida bee bele marka mos istoria, tanba monu iha TL, no turista barak mak sei mai hodi asisti,” dehan deputadu nee.
Nia mos afirma liu tan katak, atu evita matan labele aat, mak diak liu hakmatek deit iha uma, maibe labele hateke ba loron matan, tanba dala ruma oklu neebe governu fasilita nee la sufisiente, tan nee diak liu iha uma, no iha loron nee mos empregador sira sei fariadu, tanba pontu toleransia. Tanba nee, husu ba povu sira atu labele sai husi idak-idak nia uma.
(mad)
