DILI, STLNEWS.co – Governu Timor Leste (TL) agora daudaun prepara hela juventude sira atu joga iha Sea Games no ASEAN Games ho modalidade 7.
Kestaun nee hatoo husi Sekretariu Estadu Juventude no Desportu (SEJD), Abrao Saldanha ba jornalista sira, bainhira remata partisipa kondekorasaun ba Atleta Yohan Goncalves iha Palasiu Prezidente Bairu Pite, kinta nee (16/03/2023).
Agora prepara hela jogu iha Sea Games i prepara mos jogu ba ASEAN Games, nee sei prepara modalidade 7 hodi ba partisipa.
Tinan-tinan governu no estadu esforsu para partisipa iha eventu internasional, tanba eventu desportivu no arte sira nee ita tenki marka ita nia prezensa para hatudu identidade no afirma ita nia aan iha mundu rai klaran.
(eme)
