DILI, STLNEWS.co – Timor Leste (Tl) presiza lei cibernetika, atu nunee bele regula sidadaun uza media sosial.
Visi Bankada CNRT, Patrocino Fernandes hatete, lei cibernetika sei haree, maibe lejizlasaunida née sei haree lai nesesidade no prioridade programa governu nian ba tinan 5. Presiza, maibe seidauk iha serteza katak ida nee prioridade ka lae, tanba iha situasaun no sirkunstansia ba ohin loron, presiza kondisaun sira neebe prioridade liga ho lei, hodi fo biban ba governu atu halo asaun, liga ba povu nia moris.
“Iha V Lejislatura, iha esbosu lei nee tama iha meza parlamentu, maibe seidauk haree, liga ba lei cibernetika ita sei haree, ajusta ho prioridade sira neebe ita iha”, katak Patrocíno Fernandes, Visi Bankada CNRT ba STL iha PN, Kinta (03/08/2023).
Nia dehan, TL presiza lei nee, tanba iha estadu direitu demokratiku nee, lalaok hotu-hotu tenki lao ho lei, maibe hau hanoin sei haree ba lejislasaun neebe tuir prioridade neebe governu defini ona ba tinan 5.
Tuir nia, lei nee nasaun presiza, maibe agora sei haree lai ba prioridade neebe boot liu liga ba hadia povu nia moris.
(gui)
