Trava Joven Labele Ba Liur, Governu Dada Investor Mai


DILI, STLNEWS.co – Trava joven sira labele sai ba buka servisu iha ema nia nasaun, governu tenki lori investor sira husi liur mai investe iha Timor Leste (TL), nunee bele fo servisu ba Timor oan sira.

Kestaun nee fo sai husi Diretor kompanhia Buka Rasik Lda, Fernando Maia, ba STL liu husi telefone, Kuarta (03/08/2022).

“Ita preokupa tanba kada loron Timor oan semo sai hela deit ba rai liur, tanba deit atu hadia ekonomia familia, tan nee atu trava Timor oan sira labele sai hela deit ba rai liur, governu tenki servisu makaas halo negosiasaun ho parseiru sira, hodi lori investor sira mai investe iha TL,” dehan Fernando Maia.

Nia afirma liu tan, problema Timor oan semo hotu ba ema nia rai, tanba dezempregu iha rai laran kontinua aumenta, kampu servisu laiha.

Iha parte seluk, membru Camara de Comercio e Industria de Timor Leste (CCI-TL), Mateus da Costa hatutan, setor privadu rai laran seidauk iha kbiit neebe masimu atu kria kampu servisu ba joven barak, no atu fo servisu ba ema barak nee so loke industria boot, maibe realidade iha TL seidauk iha industria boot atu fo servisu ba joven sira.


“Ami setor privadu mos sei hasoru hela difikuldade barak bainhira projetu governu laiha, maibe iha setor privadu balun halao knaar iha setor agrikultura, ida nee diak liga ho sesta bazika lori duni rendimentu ba sira,” dehan nia.

(mad)

LEAVE A REPLY

Please enter your comment!
Please enter your name here

NEWS UPDATE

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...

ISFIT Ofrese Bolsu Estudu Ba Atleta Prestasaun

DILI, STLNEWS.co - Institutu Superior Filosofia i Teolojia (ISFIT), Dom Jaime Goulart, ofrese bolsu estudu ba atleta husi Federasaun Boxing Timor Leste, Delio Mouzinho,...